डुवार्स-तराई में जारी हय लड़इ

डुवार्स-तराई कर इलाका कर आदिवासी मनक लड़इ आब आस्ते-आस्ते राजनीतिक लड़इ बइन जाय हे। अखिल भारतीय आदिवासी विकास परिषद कर बैनर में सुरू होवल सामाजिक अधिकार आउर पहचान कर लड़इ रोज दिना नवाँ रूप धरेक लाइग हय जेकर से गोरखा आउर माकपा कर राजनीतिक समीकरन हिआँ एकदम गड़बड़ाय जाय हे। वइसे भी असथानीय निकाय आउर पंचाइत चुनाव में मिलल जीत कर बाद ई सफा होय जाय हे कि डुवार्स-तराई कर आदिवासी आपन राजनीतिक अधिकार ले आब सचेत होय जाय हयँ। एहे कारन हय कि गोरखा जन मुकति मोर्चा कर संग परिषद कर राजनीतिक संघर्स रोज दिना नवाँ-नवाँ मोड़ लेवेक लाइग हे।